इलाम- इलामको जोगमाई खोलाका लागि बेलीब्रिज बोकेर भारतबाट आएको गाडी इलाम नगरपालिका–१०, गोदकस्थित बाह्रगोलाईमा दुर्घटना हुँदा १ जनाको मृत्यु भएको छ । घटनामा २ जना घाइते भएका छन् ।

सिमलगोलाई–तिल्केनी सडकको जोगमाई खोलामा लगाइने बेलीब्रिजको सामान भारतबाट ल्याउँदैगरेको ट्रक गन्तव्य आइपुग्न केही किलोमिटरमात्रै बाँकी रहँदा दुर्घटना भएको हो । 

साँझ पौने ५ बजेतिर भएको दुर्घटनामा गाडीका सहचालकको मृत्यु भएको र अन्य २ जना घाइते भएको इलाम नपा १० का वडाध्यक्ष ओमनारायण प्रधानले पालिकापेजलाई जानकारी दिए । उनका अनुसार घाइतेहरूलाई उपचारका लागि अस्पताल लगिएको छ ।